തിരുവനന്തപുരം: തിരുവനന്തപുരം-കാസര്കോട് അതിവേഗ റെയില്പായുമായി സര്ക്കാര്. 583 കിലോമീറ്റര് ദൂരത്തില് റാപ്പിഡ് റെയില് ട്രാന്സിറ്റ് പദ്ധതിക്കാണ് മന്ത്രിസഭ അംഗീകാരം നല്കിയത്. നാല് ഘട്ടങ്ങളിലായാണ് പദ്ധതി നടപ്പിലാക്കുക.
പദ്ധതിക്കായി സംസ്ഥാനത്തിന്റെ താല്പര്യം അറിയിച്ച് കേന്ദ്ര സര്ക്കാരിന് ഔപചാരികമായി കത്ത് അയക്കും. അതിനാവശ്യമായ കൂടിയാലോചനകള് ആരംഭിക്കുവാനും ഗതാഗത വകുപ്പിനെ മന്ത്രിസഭ ചുമതലപ്പെടുത്തി.
ഡല്ഹി-മീററ്റ് ആര്ആര്ടിഎസ് മാതൃകയിലാണ് കേരളത്തിലും നടപ്പാക്കുക. മണിക്കൂറില് 160-180 കിലോമീറ്റര് വരെ വേഗം, കുറഞ്ഞ സ്റ്റേഷന് ഇടവേള, ഉയര്ന്ന യാത്ര ശേഷി എന്നിവയാണ് പ്രത്യേകത.
Content Highlights: kerala government decision on thiruvananthapuram kasaragod rapid rail transit